20 октября, 2021 - 11:21
Газаланы Борисни къызы Халимат Нальчик шахарны 24-чю школуну 5-чи классында окъуйду. Къызчыкъ спортну бек сюеди. «Восточный ветер» деген боевой искусстволу школда ушу деген спорт дисциплина бла кюрешеди. Тренери уа Заур Карамурзовду.
Етген жылны сентябрь айында Газаланы Халимат боевой искусстволадан бардырылгъан 3-чю Шимал-Кавказ оюнлада «Ушу» дисциплинаны «Гунь-Шу», «Чань-Цуань» деген категорияларындан 1-чи жерни алгъанды. Спортчу къызчыкъ медаль эм диплом бла саугъаланнганды. «Альборц» деген ат бла бардырылгъан фестивальгъа къатышханы ючюн да Халимат Шимал кавказны Айкидо Федерациясыны Дипломун алгъанды.
Андан сора да Газаланы Халимат 4-чю республикалы проект-тинтиу жаны бла бардырылгъан «Илмугъа биринчи атламла» деген конкурсха къатышханды. «Здоровые дети – богатство родного края» деген номинацияда кесини «Ушу - путь к гармонии и здоровью» деген темагъа жазгъан иши ючюн 1-чи жерни алгъанды. Къызчыкъны проектини руководители - Ирина Шахалиева. Халимат Къабарты-Малкъар Республиканы «Центр «Книга» деген АО-ну диплому бла саугъаланнганды.
Игилени санында Газаланы Халиматны иши «Проектные и исследовательские работы учащихся начальных классов КБР» деген китапха киргенди. Ол а бек иги ишди.