КОРОНАВИРУС АУРУУГЪА КЪАЖАУ КЮРЕШДЕ АЛ САТЫРДАДЫ
6 февраля, 2022 - 15:59
Хозаланы Камалны жашы Муслим врач усталыкъны сюйюп сайлагъанды. Аны къолундан келген болса эди, бир адамгъа да бир аурууну да тежемез эди. Болсада жашау-ол жашауду, анда уа кесинг сюйгенча, кюсегенча болмайды, адам кёп тюрлю болумлагъа тюбейди. Жаш а врач болуп ишлеген къадарында, ол бакъгъан саусузла аягъы юсюне бола келселе къууанчын букъдурмайды. Аллай ышан къайсы врачха да уллу насыпды.