Сейир шартла. Узакъ къыралдан – аламат саугъа
5 апреля, 2022 - 13:59
Алгъаракълада Аналаны Махтини аты бла Германиядан багъалы саугъа келгенди. Ол 1968 жылда Германияда басмаланнган китапды. Аны ача баргъанда, Махти Тасимович Бызынгыны эмда бызынгылыланы эртте, 60 жыл мындан алгъа алыннган суратларын кёргенди. Аланы араларында атасы бла аппасы да бардыла. Китапда аланы юсюнден кёп сейирлик хапарла жазыладыла. Суратла да кёпдюле.
Китап немис тилде басмаланнганды. Кеси тёрт бёлюмден къуралгъанды: «Акъ къарлы тау», «Бир тау да ёрлетмейди», «Таула аланы къадарлары эдиле», «Картасыз Колхидагъа».