20 октября, 2021 - 11:21
Огъары Малкъарлы жаш Гадийланы Тамирлан Казань шахарда кесини инсан эм аскер борчун бийик даражада толтурады. Армиягъа кетгинчи Огъары Малкъар элни биринчи номерли орта школун, ызы бла Саратовдагъы юридический институтну бошагъанды.
Боксдан спортну устасына кандидат Гадийланы Тамирлан аскер жашауну биринчи кюнюнден окъуна командирлерине кесин иги жаны бла кергюзтгенди. Андан болур, бизни жаш жерлешибизге аскер белюмню командирлери бек айырмалы жумушланы буюргъанлары да. Ол аланы тынгылы этеригине ишек жокъду.
Аскерчи тенглери бла бирге Гадийланы Тамирлан Уллу Хорламны 76-чы жыллыгъына аталып бардырылгъан байрамны тап къурагъа эм етдюрюрге себеплик этгени ючюн, ол къуллукъ этген росгвардияны командирини эм Казань шахарны Кировский эм Московский районларыны администрациясыны башчысыны С.А.Мироновну махтау къагъытлары бла саугъаланнганды.
Миронов Гадийланы Рамазанны жашы Тамирланнга берген махтау къагъытда былай жазылады: »Выражаю Вам искреннюю благодарность за большой вклад в успешное проведение на территориях Кировского и Московского районов города Казани мероприятий, посвященных празднованию 76-ой годовщины Победы в Великой Отечественной войне. Благодаря Вашей поддержке и участию мероприятия прошли на высоком уровне и позволили создать незабываемую праздничную атмосферу. Общими усилиями мы смогли поблагодарить ветеранов, тружеников тыла за беспримерный подвиг на полях сражений, в тылу и в годы послевоенного возрождения Родины. Спасибо за Вашу активную гражданскую позицию, сотрудничество и поддекржку. От всей души желаю Вам успехов, неиссякаемой энергии, настойчивости в достижении поставленных целей и мирного неба над головой!»
Кеп болмай Гадийланы Тамирлан Россей Федерацияны национальный гвардиясыны самбодан бардырылгъан Киров биригиуюню первенствовсунда биринчи жерни алгъаны ючюн, грамота бла саугъаланнганды.
Ноябрь айда Гадийланы Тамирлан аскер борчун толтуруп, туугъан эли Огъары Малкъаргъа къайтырыкъды. Анасы Асият аны юйге келирин бек ашыгъып сакълайды. Атасы Рамазан а замансыз жашаудан кетген эди. Бюгюн ол сау болса, жашыны жетишимлерине къууаныр эди, алай не медет, жашау кюйсюздю. Болса да Гадийланы Тамирлан атын иги бла айтдыргъанына ыразы болур эди.
Анангы къолуна сау-саламат къайт, Тамирлан!
