Жангы амалланы излерге, сабийлеге болушлукъ этерге таукелди
14 ноября, 2023 - 15:32
Жаш тёлюбюз къыралыбызны белгили вузларында окъууда, ишде жетишимлери, хунерлиликлери, бла да айырмалы болгъанлары бла барыбыз да ёхтемленебиз. Аллайладан бири Гайыланы Алинады. Ол кесини эндиге дери алгъан къызыл дипломларына быйыл дагъыда бирин къошханды. Москвада «Сабийлени саулукъларыны миллет медицина тинтиу арасында» ординатураны жетишимли бошап, Медицинадан битеулю къырал экзаменни «бешге» берип, таулу къыз айырмалы дипломгъа тийишли болгъанды. Алай бла уа врач-педиатр усталыкъны алгъанды.
